Элвин Грей

Яралар

Авыр сүзне әйтеп китеп бардың,
Ялгыз калдым яшькә манчылып.
Үткән гомеремне искә алам
Көтәм сине, көтәм талчыгып.
 
Ераклашкан саен аралар
Тирәнәя бара яралар.
Сөйгән ярыгызны рәнҗетмәгез.
Яраларны сөю дәвалар.
 
Яраларга минем йөрәгемне,
Ни хакың бар, әйтче, әйт ,иркәм?
Син яшәсәң минсез яшәрсең дә,
Мин нишләрмен икән кич, иртән?

Ераклашкан саен аралар
Тирәнәя бара яралар.
Сөйгән ярыгызны рәнҗетмәгез.
Яраларны сөю дәвалар.